Нема патник кој не сонувал да дојде во оваа мистична и заводлива земја. Египет е стожерот на егзотиката и земјата на приказната 1001 ноќ, со модерен и динамичен живот каков му доликува на 21 век.
Се наоѓа на северо-источниот дел на Африка а најнаселено место е  по долината на живописната  река Нил.На југ  се протега до песочните пустини на Судан, на север граничи со Средоземно а на исток со Црвено море што дава одлични можности за водни спортови на прекрасните места Хургада и Шарм ел Шеик.  Црвеното море е создадено за сурфисти, нуркачи или за сите љубители на чистите азурни води со необична убавина. Во него не се влива ниту една река па затоа водата е толку чиста и топла. Ќе имате незаборавен одмор покрај егзотичните заливи, на прекрасниот песок уживајќи во залезот.
Египет е и дел од древноста со историја од над 5000 години. Доказ за тоа се трите пирамиди во Гиза, Сфингите, гробниците во долината на царевите, храмовитте Карнак и Луксор како и статуитево Абу Симбел. Добро е да се види и Националниот музеј во Каиро. Многуте фараони, кралеви и династии оставиле зад себе најразлични обележја кои вреди да се видат  и сведочат за една праисториска цивилизација и култура.

Парична единица:
Египетски паунд/1 долар-6.00паунди/ 1 евро-7.90 паунди

Ветува патување во кое повторно ќе го откриете светот а и себеси.